Nvidia ընկերությունը ներկայացրել է Titan V-ն, որը հանդիսանում է երբևէ ստեղծված ամենահզոր գրաֆիկական պրոցեսորը: Նորույթն իրենից ներկայացնում է ավելի զգալի թռիչք, քան ընկերության մնացած արտադրանքները: Սա առաջին սպառողական գրաֆիկական պրոցեսորն է, որը հիմնված է Nvidia-ի նոր Volta ճարտարապետության վրա:
Այնուամենայնիվ, գոյություն ունի «սպառող» բառի ազատ սահմանում, սակայն Titan V-ն վաճառվում է 2999 ամերիկյան դոլարով և կենտրոնանում է արհեստական ինտելեկտի մշակման վրա:
«Մեր նպատակն էր ընդլայնել բարձր արտադրողականության հաշվարկների և արհեստական ինտելեկտի արտաքին սահմանները: Մենք բացել ենք նոր հորիզոններ պրոցեսորի նոր ճարտարապետության, հրահանգների, թվային ձևաչափերի և պրոցեսորային կապերի շնորհիվ»,-հաղորդվում է Nvidia ընկերության հիմնադիր և գլխավոր տնօրեն Ջենսեն Հուանգի հայտարարությունում: «Titan V-ի հետ միասին մենք Volta-ն հանձնում ենք ամբողջ աշխարհի հետազոտողներին և գիտնականներին: Ես անհամբեր սպասում եմ նրանց բեկումնային բացահայտումներին»:
Դեռևս չի հաղորդվում, թե երբ Volta-ն կկարողանա ներթափանցել ավելի հասանելի գրաֆիկական պրոցեսորներ: Nvidia-ի ընթացիկ Pascal ճարտարապետությունը ներկայացվել է մեկ ու կես տարի առաջ GTX 1080-ի հետ միասին, այն շարունակում է մնալ լավագույն խաղային գրաֆիկական պրոցեսորներից մեկը: Volta GPU-ն ավելի թանկ կարժենա Nvidia ընկերության համար արտադրության մեջ:
