Այս շաբաթ Չինաստանի կառավարությունը հայտարարել է, որ շուտով կօգտագործի արհեստական ինտելեկտ` ոստիկանական տեղամասի ստեղծման համար: Այն հնարավորություն կտա լուծել քաղաքացիների խնդիրներն առանց աշխատակիցների անհրաժեշտության:
Տեղամասը հանրությանը հասանելի կլինի 24 ժամ շաբաթը 7 օր: Նոր տեղամասը նախատեսված է, հաշվի առնելով վարորդների և տրանսպորտային միջոցների հետ կապված հարցերը, ինչի պատճառով այն ավելի նման կլինի Տրանսպորտային միջոցների վարչությանը, քան ոստիկանության բաժնի:
Ըստ Caijing Neican չինական ֆինանսական ամսագրի` այստեղ կանցկացվեն վարորդական իրավունքի վկայական ստանալու քնություններ, գրանցման ծառայություններ և Tencent-ի կողմից մշակված դեմքի ճանաչման տեխնոլոգիայի կատարելագործում:
Այսպիսով, այն քաղաքացիները, ովքեր կցանկանան այցելել այս գործակալությունները, կօգտագործեն իրենց դեմքն անձի ինքնությունը հաստատելու համար: Բոլոր նրանք, ովքեր կցանկանան օգտվել ծառայություններից, ստիպված չեն լինի սպասել և գրանցվել կամ ներբեռնել հավելվածներ մուտքանվան ստեղծման համար: Դեմքի ճանաչման համար նախատեսված արհեստական ինտելեկտը տիրապետում է օգտատիրոջ մասին անհրաժեշտ ողջ ինֆորմացիային:
Դեռ հայտնի չէ, թե երբ և որտեղ կսկսի գործել համակարգը: Սակայն հաղորդվում է, որ այն ուժի մեջ կմտնի երկրի գլխավոր քաղաքներում թեստավորման նպատակով, ապա կօգտագործվի այլ վայրերում ևս:
