Խելացի տեխնոլոգիան օգնում է վերականգնում անցնող հիվանդներին, ովքեր շարժունակության հետ կապված խնդիրներ ունեն` նմանակելով քայլելու իրական պայմանները:
Շվեյցարիայի և Հոլանդիայի հետազոտողները ստեղծել են արհեստական ինտելեկտ, որն օգտագործում է նորարարական ծրագրային ապահովում` ողնուղեղի վնասվածքներ կամ գլխուղեղի կաթված ստացած հիվանդներին կրկին քայլել սովորեցնելու համար:
«Մենք մշակել ենք հարմարվողական ալգորիթմ, որն անհատականացնում է ռոբոտացված լծասարքը` ողնաշարի վնասվածք ունեցող մարդկանց տեղաշարժվել սովորեցնելու համար»,- ասել է Լոզանի տեխնոլոգիական ինստիտուտի հետազոտող Ժան-Բատիստ Միգնարդոն: «Այնուհետև մենք ցուցադրել ենք տեխնոլոգիայի արդյունավետությունը` ապահովելով բնական քայլվածք առանց ամբուլատոր բուժում անցած հիվանդների մոտ, ինչպես նաև հիվադնների շարժական վերահսկման բարելավմամբ:
Վերականգնողական ծրագրերն արդեն վաղուց են դիմել այն խնդրանքով, որպեսզի հիվանդները քայլեն վազքուղու վրա, մինչդեռ նրանց պահում են ուղղահայաց դիրքով լծասարքի օգնությամբ: Այս տեխնոլոգիան օգտագործում է արհեստական ինտելեկտ և ռոբոտեխնիկա:
«Մենք ստեղծել ենք ալգորիթմ, որը կարող է կանխատեսել օպտիմալ աջակցությունը դեպի վեր և առաջ, ինչն ապահովվում է ռոբոտացված լծասարքի միջոցով»,-շարունակել է Միգնարդոն: «Աջակցության օպտիմալ ծավալը որոշվում է արհեստական նեյրոնային ցանցի միջոցով, որն իրենից ներկայացնում է հիվանդի կինեմատիկ և կինետիկական տվյալները: Այնուհետև ալգորիթմը համատեղում է օպտիմալ աջակցությունը հիվանդի նախընտրելի արագության հետ (կամ ֆիզիոթերապևտի կողմից ընտրված արագություն)` դեպի առաջ օպտիմալ աջակցության որոշման համար»:
Փորձարկումների ընթացքում տեխնոլոգիան ցուցադրել է տպավորիչ արդյունքներ: Օրինակ, արհեստական ինտելեկտով կառավարվող ռոբոտացված լծասարքի օգտագործումից հետո ողնուղեղի վնասվածք ունեցող երեք հիվանդ կարողացել են ինքնուրույն տեղաշարժվել, չնայած նրան, որ նախկինում նրանք չէին կարող նույնիսկ կանգնել: Նույնը տեղի է ունեցել նաև կաթված ստացած հիվանդների դեպքում: Հետազոտությունը նկարագրող հոդվածը հրապարակվել է Science Translational Medicine ամսագրում:
Հետագայում նախատեսվում է օգտագործել տեխնոլոգիան վերականգնողական կենտրոններում կլինիկական ընթացակարգերի շրջանակներում:
