Խելացի դաջվածքները, որոնք նախատեսված են մարդու առողջությանը հետևելու համար, անցում են կատարել նոր մակարդակ:
Դաջվածքները կարող են մաշկի գեղեցիկ զարդարանք լինել, սակայն արդյո՞ք կարող են հանդես գալ որպես կրելի սարք, որն առաջարկում է մարդու առողջության հետ կապված կենսաչափական տվյալներ բիոսենսորային թանաքի միջոցով:
Մասաչուսեթսի տեխնոլոգիական ինստիտուտի և Հարվարդի բժշկական դպրոցի հետազոտողները DermalAbyss նախագծի շրջանակներում ստեղծել են դաջվածքների համար նախատեսված թանաք, որն արձագանքում է օրգանիզմում տարբեր նյութերի պարունակության փոփոխություններին:
Բիոսենսորները, որոնք օգտագործվում են թանաքի փոխարեն, փոխում են իրենց գույնը կախված միջբջջային հեղուկի բաղադրության: Գիտնականները մշակել են թանաքի չորս տեսակ` մեկը կապույտից գույնը փոխում է շագանակագույնի շաքարի մակարդակի փոփոխության դեպքում, pH-սենսորը մանուշակագույնից գույնը փոխում է վարդագույնի: Թանաքի մյուս երկու տեսակները (նատրիումի իոնների որոշման համար և երկրորդ pH-սենսոր) փայլում են ուլտրամանուշակագույն լույսով:
Գիտնականները նշում են, որ մշակումը կօգնի շաքարախտով տառապող մարդկանց անընդհատ վերահսկել օրգանիզմի առողջական վիճակը: Օգտատերը կարող է վերահսկել արյան մեջ շաքարի քանակի փոփոխությունը և ինսուլինի ներարկման անհրաժեշտությունը:
Հետազոտողները դեռ մանրամասներ չեն հաղորդում մշակման մասին, սակայն թանաքն արդեն փորձարկվել է խոզերի մաշկի վրա: Ենթադրվում է, որ բիոսենսորային դաջվածքը կօգտագործվի բժշկական ախտորոշման համար, ինչպես նաև օրգանիզմի վիճակի ինքնուրույն վերահսկողության համար: Այն մասին, թե երբ նորույթը կհայտնվի շուկայում, նույնպես ոչինչ չի հաղորդվում:
