Էստոնիան պատրաստվում է ստեղծել «տվյալների դեսպանություն» Լյուքսեմբուրգում: Դա նշանակում է, որ երկրում գործող ինֆորմացիայի պաշտպանության բոլոր կանոնները պետք է գործեն նաև «թվային դեսպանության» համար:
Կանոններն այն մասին, թե ինչ կարող են և չեն կարող անել պետությունները քաղաքացիների անձնական տվյալների հետ, ամբողջությամբ կառավարվում են նրանով, թե որտեղ է պահվում ինֆորմացիան: Տեխնոլոգիական ընկերություններն ինֆորմացիան պահում են սերվերների վրա ամբողջ աշխարհում, և պետությունները կարող են օգտագործել այն` մարդկանց անձնական տվյալները «գողանալու» համար: Այդ իսկ պատճառով Էստոնիան որոշում է կայացրել ստորագրել համաձայնագիր` Լյուքսեմբուրգում «տվյալների դեսպանության» բացման համար:
Իր տվյալներն այլ երկրին վստահելու փոխարեն, Էստոնիան փաստացի ստորագրել է համաձայնագիր Լյուքսեմբուրգում սերվերային սենյակի բացման համար: Արդյունքում, տվյալների պաշտպանության բոլոր իրավունքներն ու կանոնները պետք է գործեն նաև «թվային դեսպանության» համար:
ԽՍՀՄ-ի փլուզումից հետո Էստոնիան աղքատ երկիր էր զրոյական տեխնոլոգիական ինֆրակառուցվածքով: Վերջին 20 տարիների ընթացքում երկիրը դարձավ «թվային դրախտ», ինչի արդյունքում երկրում տեղի ունեցավ տեխնոլոգիական բում` ստեղծվեցին այնպիսի «հերոսներ», ինչպիսիք են` Skype-ը, TransferWise-ը, Kazaa-ն, Fitsme-ը և Playtech-ը:
2015 թվականից Էստոնիայում գործում է թվային քաղաքացիություն: Անցյալ տարի երկիրը որոշեց ավելացնել բնակչությունը 10 միլիոն թվային քաղաքացիների հաշվին:
