Այն մարդկանց համար, ովքեր պատրաստվում են դիմել բարդ վիրահատության` իրենց ատամները փոխարինելու կամ վերականգնելու համար, դժվար է պատկերացնել, թե ինչ տեսք կունենան դրանք վերջնական արդյունքում: Այդ պատճառով ատամնաբույժները պատրաստում են մոմե մոդելներ, սակայն այդ ամենն արդեն անցյալում է: Շվեյցարական ստարտափն առաջարկում է խնդրի նորարարական լուծում: Այն տրամադրում է հիվանդներին ժպիտի վիրտուալ պատկեր, որը նրանք շուտով ստանալու են:
Kapanu ընկերությունը ներկայացրել է ընդլայնված իրականության նոր սարք, որը կկիրառվի ատամնաբուժության ոլորտում:
Տեխնոլոգիան աշխատում է բերանի խոռոչի 3D սկանավորման համադրման (պրոցեդուրա, որը բազմաթիվ ատամնաբույժներ արդեն օգտագործում են) և «լավ» ատամների սկանավորման միջոցով: Երբ ծրագրային ապահովումը սահմանում է օգտատիրոջ բերանը և ատամները, այն ներկայացնում է բարելավված ատամների սկանավորումը: Իսկ ամենահետաքրքիրն այն է, որ օգտատերը կարող է այնուհետև փոփոխություններ կատարել` սահմանել, թե ինչ հեռավորության վրա են տեղակայվելու ատամները, ինչ ձև են դրանք ստանալու և այլն: Բոլոր փոփոխությունները տեսանելի կլինեն իրական ժամանակում:
Երբ հիվանդը կատարում է այդ բոլոր փոփոխությունները և նախադիտում դրանք AR «վիրտուալ հայելու մեջ», վերջնական մոդելը փոխանցվում է սարքին ատամների փոխարինման համար:
Համակարգը ներկայացվել է Քյոլնի ատամնաբուժական միջազգային ցուցահանդեսի ժամանակ անցյալ ձմռանը:
