Իլոն Մասկը կրկին թարմացնում է թունելի մշակման գործողությունների առաջին հատվածը: Ըստ վերջին տարբերակի, նույնիսկ դեպի ստորգետնյա թունել մուտքի գործընթացը կլինի ավելի բարդ, քան նախկինում էր:
Instagram-ի էջում հրապարակվել է տեսանյութ, որը ցուցադրում է, թե ինչպես է Tesla Model S-ն իջնում ստորգետնյա թունել ավտոմատ վերելակի միջոցով:
Մոտավորապես մեկ ամիս առաջ The Boring Company-ն սկսել է փորել իր առաջին թունելը, որը միացնում է Լոս-Անջելեսի SpaceX տարածքը իր ավտոկայանատեղիի հետ: Մասկի ավելի լայնամասշտաբ ծրագիրը կայանում է երթուղիների ստորգետնյա ցանցի կառուցման մեջ, որը կտեղափոխի ավտոմեքենաներ, հեծանիվներ և հետիոտներին էլեկտրական սահնակներով` 200 կմ /ժամ արագությամբ: Դա հանգեցնում է ծանրաբեռնված վերգետնյա երթուղիներով ուղևորությունների ժամանակի նվազեցմանը մինչև հինգ րոպե տևողությամբ ստորգետնյա ուղևորություն: Սակայն, չունենալով անհրաժեշտ թույլտվություն այլ վայրերում թունելներ փորելու համար, նախագիծը դեռ սահմանափակվում է միայն SpaceX տարածքով:
Վերջերս Մասկը հայտարարել է, որ Hyperloop անվանումը ստացած նախագիծը, որը միացնում է Նյու-Յորքը, Ֆիլադելֆիան, Բալթիմորը և Վաշինգտոնը, բանավոր հավանության է արժանացել պետական պաշտոնյաների կողմից: Սակայն ավելի ուշ պարզվել է, որ Tesla-ի հիմնադիրը կապ չի հաստատել տվյալ քաղաքների հետ, ինչը բացառում է, որ այդ ծրագիրը կիրականացվի մոտ ապագայում: The Boring Company թունելների կառուցումը բախվում է միևնույն խնդրին: Մինչ SpaceX ընկերության աշխատակիցները կկարողանան շուտով փորձարկել վերելակը, մեզ մնում է միայն սպասել:
