Հոլանդացի դիզայներ Էրմի վան Օերսը ստեղծել է «Կենդանի Լույս» (Living Light)` բույսեր, որոնք օգտագործվում են նաև որպես լամպեր: Կամ լամպեր, որոնք օգտագործվում են նաև որպես բույսեր:
Համակարգն աշխատում է հետևյալ սկզբունքով`ֆոտոսինթեզի ընթացքում բույսերը ձևավորում են օրգանական միացություններ, ինչը ստիպում է բակտերիաներին արտադրել էլեկտրոններ և պրոտոններ, որոնք այնուհետև նույն կերպ կիրառվում են դասական մարտկոցներում:
Հետաքրքիր է, որ առավել առողջ բույսերն ավելի շատ էներգիա են արտադրում, այդ պատճառով, եթե դրանք լավ խնամված են, ապա կարելի է ստանալ մինչև 0,1 մՎտ էներգիա: Իսկ դա բավարար է այն որպես գիշերային լամպ օգտագործելու համար:
Ներկայումս վան Օերսը ևս մեկ այլ հոլանդական ստարտափի`Plant-E- ի հետ համատեղ, որը մասնագիտացած է բույսերի էներգիայի արտադրման վրա, ուսումնասիրում են «Կենդանի Լույսի» կողմից ավելի շատ էներգիա արտադրելու միջոցներ:
«Այժմ մենք ավարտում ենք նախատիպի ստեղծման աշխատանքները և հուսով ենք, որ մեր առաջին խմբաքանակը (50 հատ) հաճախորդներին հասանելի կլինի 2018 թվականի սկզբին»,- ասել է դիզայները:
