Դուք գտնվում եք ծովի ափին, ճանապարհորդում եք անապատով կամ աշխատում եք այգում, և ցանկանում եք, որ Ձեր հեռախոսը կամ պլանշետը լիցքավորվի, սակայն մոտակայքում չկա էներգամատակարարման աղբյուր: Խնդրի լուծման տարբերակներից է` գնալ և գնել արտաքին մարտկոց և պահել այն որպես պահուստային էներգիայի աղբյուր: Սակայն պահուստային մարտկոցները նույնպես սպառվում են: Ի՞նչ անել այդ ժամանակ:
Այս դեպքում օգնության է գալիս արևը, այո, այն արդեն վաղուց համարվում է սնուցման պոտենցիալ աղբյուր մեր սարքավորումների համար: Բայց մինչ վերջերս արևային մարտկոցով աշխատող լիցքավորիչները հուսալի չէին: Նախ և առաջ դրանք շատ թանկարժեք էին: Եվ շատ ժամանակ էր պահանջվում սարքավորումները լիցքավորելու համար:
Սակայն վերջին հինգ տարիների ընթացքում շատ բան է փոխվել. արևային մարտկոցների վերջին խմբաքանակը զգալիորեն բարելավվել է և ավելի մատչելի է: Փորձարկվել են BioLite-ի, Goal Zero-ի, WakaWaka-ի կողմից ներկայացված արտադրանքները: Չնայած արևային լիցքավորման սարքավորումները չեն կարող լիցքավորել Ձեր հեռախոսը նույնքան արագ, որքան պատի վարդակը, սակայն դիզայնի և տեխնոլոգիայի հետ կապված բարելավումները կրճատել են լիցքավորման ժամանակը:
Արևային մարտկոցների առավելությունները
Առավել արդյունավետ արևային էլեմենտները թույլ են տալիս արտադրողներին տեղադրել ավելի շատ թիթեղներ (կիսահաղորդչային նյութի բարակ շերտեր բյուրեղային սիլիցիումից) փոքր տարածությունում, պարզաբանել է Նորթ Կրանթցը` Goal Zero ընկերության փոխնախագահը: Դա իր հերթին հանգեցնում է ավելի փոքր պանելների, որոնք կարող են ավելի շատ էներգիա արտածել:
Օրինակ, Goal Zero-ի Nomad լիցքավորման սարքերը հագեցած են ցուցիչով, որը գնահատում է արևի ուժգնության աստիճանը, այդ իսկ պատճառով Դուք կարող եք կարգավորել թեքման անկյունը և նրա դիրքը, որպեսզի առավելագույնի հասցնել արդյունավետությունը: Նույն ձևով, BioLite-ն ունի արևային ժամացույցներ` ներկառուցված SolarPanel 5+ և SolarPanel 10+ արտադրանքներում, որոնք օգնում են առավելագույնի հասցնել էներգիայի քանակը:
«Արևային ժամացույցները ստվեր են գցում, որպեսզի օգնեն պանելն ուղղել այնպես, որ հզորությունն ավելանա 30%-ով»,- ասել է BioLite ընկերության համահիմնադիր և գործադիր տնօրեն Ջոնաթան Սիդարը: BioLite-ի երկու արտադրանքն էլ ունեն ներկառուցված հենակալ, որը հնարավորություն է տալիս կախել պանելը մեխից կամ ծառի ճյուղից:
Ի՞նչն է կարևոր արագ լիցքավորման համար
Պետք չէ մեծ ուշադրություն դարձնել պանելի չափին: Մեծ` միշտ չէ, որ նշանակում է ավելի լավը: Ճիշտ է պանելի չափը ևս կարևոր է, սակայն առավել որոշիչ են ճիշտ արևային պայմանները: Ի վերջո, եթե չլինի արևային եղանակ, նույնիսկ աշխարհի ամենամեծ պանելը խնդիրներ կունենա Ձեր սարքավորման լիցքավորման հետ կապված:
Բացի այդ, հեռախոսները, պլանշետները և այլ ոչ մեծ բջջային սարքավորումներն ունեն սահմանափակումներ կապված այն բանի հետ, թե որքան էներգիա կարող են ստանալ մեկ անգամից,- բացատրել է Կրանցը: Այսպիսով, 100-վատանոց պանելը չի լիցքավորի Ձեր հեռախոսը 10 անգամ ավելի արագ, քան օրինակ 10-վատանոց պանելը: Այն, ինչ կարող է անել մեծ պանելը` դա միանգամից մի քանի ոչ մեծ սարքավորումներ լիցքավորելն է:
Սովորական հեռախոսի համար բավարար է 5-վատանոց պանել, որը կարող է լիցքավորել հեռախոսը 3-6 ժամում: Իսկ 10-վատանոց պանելը, որպես կանոն, այն կլիցքավորի երկու ժամում:
Ամեն ինչ բարդանում է, երբ խոսքը վերաբերում է նոթբուքին կամ վարդակին միացված սարքավորմանը: Այս դեպքում անհրաժեշտ կլինի 25-վատանոց պանել: Goal Zero-ն նաև արտադրում է արևային մարտկոցների ավելի թանկարժեք, գերհզոր «հավաքածուներ», որոնք ներառում են մեծ կուտակչային մարտկոցներ`նախատեսված ապրանքների առավել լայն սպեկտրի աշխատանքի համար:
Մեծ արևային մարտկոցներն օգտագործում են այնպիսի ֆունկցիաներ, ինչպիսիք են «առավելագույն հզորության որոշումը»` առավելագույնի հասցնելով ելքային հզորությունը: Այս տեխնոլոգիան նախկինում շատ թանկարժեք էր, սակայն այժմ առավել փոքր շարժական արևային լիցքավորման սարքավորումները, որոնք ունեն նմանատիպ ձև, կարող են ապահովել 20%-ով բարձր արդյունավետություն:
Պահպանված հիշողությունը լավագույն հիշողությունն է
Մեկ այլ կարևոր փոփոխություն կապված է «ներկառուցված հիշողության» ավելացման հետ: Ձեր հեռախոսը պանելին միացնելու և արևի տակ թողնելու փոխարեն, Դուք կարող եք նախ միացնել պանելի ներկառուցված մարտկոցը, այնուհետև ավելի ուշ այն հաղորդել Ձեր հեռախոսին: «Կուտակչային մարտկոցի շնորհիվ, Դուք կարող եք արագ փոխանցել կուտակված էներգիան Ձեր սարքավորումներին»,-ասել է Սիդարը:
Դիմացկուն և շարժական
Եվ վերջապես շարժական արևային մարտկոցների ևս մեկ առանձնահատկությունը կայանում է նրանում, որ դիմացկուն են և հեշտությամբ են ամրանում ուսապարկին: Որպես օրինակ, BioLite 10+-ը ջրաթափանց չէ և ունի անկյունային սողնակներ, որոնք հնարավորություն են տալիս այն ամրացնել ուսապարկին կամ վրանին:
Ավելի մատչելի և հարմարավետ այլընտրանք է PowerPort Solar Lite սարքը: Այն յուրաքանչյուր անկյունում հագեցած է առաձգական կապօղակներով և ունի մթնոլորտակայուն դիզայն: Սարքի արժեքը 50 դոլար է:
