Չինաստանը մտադիր է օգտագործել արհեստական ինտելեկտ, որպեսզի օգնի իշխանություններին կանգնեցնել կասկածյալներին մինչ հանցագործություն իրականացնելը:
Համաձայն Financial Times-ի զեկույցի` կառավարությունն օգտագործում է դեմքի ճանաչման տեխնոլոգիաներ և դա միավորում է արհեստական ինտելեկտի հետ` ոստիկանությանը պոտենցիալ հանցագործների մասին հաղորդելու համար:
Գուանչժոում գտնվող Cloud Walk գրասենյակը փորձարկել է իր դեմքի ճանաչման համակարգը, որը կարող է հետևել մարդու շարժումներին: Ելնելով այն հանգամանքից, թե ուր և երբ է ինչ-որ մեկը գնում, համակարգը հաղորդում է հանցագործություն իրականացնելու հնարավոր վտանգի մասին:
Երբ ինչ-որ մեկը գնում է հասարակ խոհանոցային դանակ, ապա դա ոչ մեկի մոտ կասկած չի առաջացնում: Սակայն երբ այդ նույն մարդը գնում է խանութ և գնում է մուրճ ու պարկ, ապա կասկածանքի հավանականությունը մեծանում է, ասել է Cloud Walk-ի ներկայացուցիչը:
Ոստիկանությունն օգտագործում է ընկերության ծրագրային ապահովումն ավելի քան 50 քաղաքների և մարզերի տվյալների բազաներում և կարող է ինֆորմացիա պարունակել կասկածելի մարդկանց մասին իրական ժամանակում:
Չինաստանն առաջին երկիրը չէ, որն օգտագործում է նմանատիպ տեխնոլոգիա: Տվյալներն օգտագործվել են այնպիսի քաղաքներում, ինչպիսիք են Լոս Անջելեսը և Միլանը մի քանի տարի շարունակ:
KeyCrime անվանումը ստացած համակարգը, որը գործում է Միլանում արդեն ավելի քան 10 տարի, հիմնված է նախկին տվյալների վրա և կարող է կանխատեսել, թե որտեղ կարող են տեղի ունենալ գողություններ: Իսկ PredPol համակարգը, որը կրառվում է ԱՄՆ-ում, կարող է կանխատեսել, թե որտեղ և երբ տեղի կունենա հանցագործություն:
Այս տեխնոլոգիայի համար Չինաստանն օգտագործում է գրառումների լայնածավալ արխիվ, կանխատեսելու համար, թե ով է ավելի շատ ընդունակ հանցագործության:
IHS Markit հետազոտական ընկերության տվյալների համաձայն, Չինաստանում կա ավելի քան 176 միլիոն հսկողության տեսախցիկ: Հետագայում դրանց թիվը կաճի:
Cloud Walk-ի նման տեխնոլոգիաները կարող են տեղեկատվություն հավաքել, թե ինչպիսի վարք են ունեցել մարդիկ անցյալում: Տեխնոլոգիան հիմնականում կհետևի վտանգի բարձր մակարդակ ունեցող մարդկանց և կհաղորդի ոստիկանությանը, երբ նրանք հայտնվեն կարևոր վայրերում:
Հանցագործության հայտնաբերման տեխնոլոգիան կախված է արհեստական ինտելեկտի այլ մեթոդներից, ինչպիսիք են վարքի ճանաչումն ու քայլվածքի վերլուծությունը, և այն կարող է հայտնաբերել կասկածելի մարդկանց ամբոխի մեջ:
Մեկ այլ չինական ընկերություն, որը կոչվում է UniView, հետևում է այն մարդկանց, ովքեր հաճախ են ճանապարհորդում անկայուն երկրներ, ինչպիսիք են Մյանման և Վիետնամը:
Չինաստանը շարունակում է օգտագործել դեմքի ճանաչման տեխնոլոգիաներ հանրային ծառայության բնագավառում: Տեսախցիկները հետևում են անգամ համալսարանների հանրակացարաններին` ֆիքսելով ուսանողների բոլոր շարժումները:
Չինաստանը հայտարարել է, որ ծրագրում է կառուցել արհեստական ինտելեկտի արդյունաբերություն մինչև 2030 թվականը, որը կարժենա 150 միլիարդ դոլար: Անկասկած, այս մշակումների մեծ մասը ուղղված կլինի հանցավորության դեմ պայքարին:
Հանցագործությունների կանխատեսումը կդառնա արհեստական ինտելեկտի առանցքային ֆունկցիան, ասել է Չինաստանի գիտության և տեխնիկայի փոխնախագահ Լի Մենը:
«Եթե մենք կարողանանք ճիշտ օգտագործել մեր ինտելեկտուալ համակարգերն ու միջոցները, ապա կկարողանանք նախօրոք իմանալ, թե ով կարող է դառնալ ահաբեկիչ և կանխել հանցագործությունը»,-ասել է Լին:
