Օրերս Չինաստանը հայտարարել է, որ աշխարհի խոշորագույն լողացող արևային էլեկտրակայանը վերջապես հանձնվել է շահագործման և միացվել է տեղական էլեկտրացանցին:
Տեղակայված Խուայնան քաղաքի մոտ` նոր լողացող էլեկտրակայանն ունի 40 մեգավատ հզորություն և մշակվել է Sungrow Power Supply ընկերության ինժեներների կողմից: Հետաքրքիրն այն է, որ էլեկտրակայանը կառուցվել է հեղեղված ածխի հանքի տարածքում, որը երբևէ ապահովում էր երկիրն օդն աղտոտող հանածո վառելիքով: Անցյալ տարի, Չինաստանը նույն շրջանում ներկայացրել էր համանման լողացող կառույց 20 մեգավատ հզորությամբ և մտադիր է ակտիվորեն ավելացնել նմանատիպ կառույցների թիվն առաջիկա տարիների ընթացքում:
Լողացող էլեկտրակայանները դառնում են ավելի ու ավելի տարածված ամբողջ աշխարհում, քանի որ դրանց ունիկալ դիզայնը հաշվի է առնում արդյունավետության և քաղաքային պլանավորման բազմաթիվ խնդիրներ: Ընկերության ներկայացուցիչների խոսքերով` քանի որ կայանը գտնվում է ջրի վրա, այն արդյունավետ կերպով օգտագործում է լքված տարածքը: Այս լողացող համակարգերը նվազեցնում են ջրի գոլորշիացումը, ինչը գիտնականները մեծ առավելություն են համարում բնապահպանության համար: Ծովի կամ օվկիանոսի մակերեսի ցածր ջերմաստիճանը թույլ է տալիս նվազագույնի հասցնել էլեկտրական պանելների խափանումը:
Արևային էներգիայի լայն կիրառմանն անցնելը մեծապես պայմանավորված է տեխնոլոգիայի արժեքի արագընթաց նվազմամբ: Մինչև 2020 թվականը, Չինաստանը մտադիր է ավելացնել արևային էլեկտրակայաններից ստացվող էներգիայի քանակն ավելի քան 20%-ով:
