Վիրտուալ իրականությունն իրենից ներկայացնում է ոչ միայն վիդեոխաղեր, որոշ ստեղծագործողներ օգտագործում են միջավայրը` երկխոսություն սկսելու և օգտակար պատմություններ պատմելու համար: Օրինակ, Ալեխանդրո Գոնսալես Ինյարիտուն, ով հայտնի է իր «Փրկվածը» և «Բյորդմեն» ստեղծագործություններով, ներկայացել է «Carne y Arena» կարճամետրաժ աշխատանքով: Նա ստեղծել է ցուցահանդես, որն այժմ ցուցադրվում է ամբողջ աշխարհի տարբեր թանգարաններում` «ներգաղթյալների և փախստականների վիճակը» ուսումնասիրելու համար: Եվ այժմ նա ստանում է առաջին «Օսկար» մրցանակը, որն առաջին անգամ է շնորհվում VR-փորձարկման համար:
Ցուցահանդեսի նպատակն է հնարավորություն տալ մարդկանց «անցնել» ներգաղթյալների ճանախարհորդության առնվազն մի փոքր մասը:
«Ինյարիտուի մուլտիմեդիայի և կինոյի արվեստը դա խոր էմոցիոնալ և հետաքրքիր տեսարան է ներգաղթյալների աշխարհում, ովքեր անցնում են Ամերիկայի հարավ-արևմուտքի անապատը վաղ առավոտյան: Դա ավելին է, քան ստեղծագործական առաջընթացը, որը նոր է առաջանում վիրտուալ իրականության տեսքով, այն համառոտորեն կապում է մեզ ԱՄՆ-ի և Մեքսիկայի քաղաքական և հասարակական իրականությունների հետ»,-ասել է AMPAS-ի նախագահ Ջոն Բեյլին իր հայտարարության մեջ:
Իր աշխատանքի համար Ինյարիտուն ստանում է հատուկ արձանիկ: Վերջին անգամ Ակադեմիան նման ունիկալ անվանակարգ շնորհել է «Խաղալիքների պատմություն 1» անիմացիոն ժապավենի համար:
