BMW ընկերությունը հայտարարել է այն մասին, որ Alexa համակարգը հասանելի կլինի 2018 թվականի բոլոր մոդելներում (այդ թվում և Mini մոդելում) ԱՄՆ-ում, Մեծ Բրիտանիայում և Գերմանիայում սկսած 2018 թվականի կեսերից: Ընկերության խոսքերով` ինտեգրումն օգտագործում է բարձրախոսներ, որոնք ներկառուցված են մեքենայի մեջ: Alexa-ի վիզուալ բովանդակությունը կցուցադրվի մեքենայի ներսում գտնվող գլխավոր սարքի վրա:
«Սա համացանցի հնարավորությունների ամբողջական փաթեթ է, որը հասանելի է ձեր մեքենայի ներսում»,- ասել է BMW ընկերության գործադիր տնօրենը: Օգտատերը կկարողանա օգտագործել ձայնային օգնականը` Alexa-ի սովորական առաջադրանքների իրականացման համար, ինչպիսիք են` նորությունները կամ խելացի տան կառավարումը, ինչպես նաև նավիգացիան: Շատ դեպքերում ձայնային պատասխանները կներառեն կարևոր «վիզուալ քարտեզներ» օգտատիրոջ մեքենայի կառավարման էկրանին:
