DARPA-ի հետազոտողները, ովքեր կենտրոնացած են ռազմական կիրառության համար նախատեսված նոր տեխնոլոգիաների մշակման վրա, արդեն վաղուց փորձում են գտնել ինֆորմացիայի փոխանցման լավագույն միջոցը: Եվ այս աշխատանքը կատարելու համար` նրանք օգտագործում են էլեկտրոնային և մեխանիկական տվիչներ: Սա շատ կարևոր է ցանկացած ռազմական գործողության համար:
Հետազոտողները ներկայացրել են Advanced Plant Technologies (APT) անվանմամբ նոր ծրագիրը, որը նպատակաուղղված է բույսերի աճեցմանը, որոնք կկիրառվեն որպես լրտեսներ:
Բույսերը բնական կերպով արձագանքում են գրգռիչներին և շրջակա միջավայրի փոփոխություններին: APT-ի նպատակն է վերահսկել խթանները, որոնց բույսերն արձագանքում են գենետիկական մանիպուլյացիայի միջոցով: Ծրագրի հիմնական գաղափարը կայանում է նրանում, որ վայրի բնության գրկում աճող այս բույսերը կարող են հայտնաբերել քիմիական նյութեր, պաթոգեն միկրոօրգանիզմներ, ճառագայթում և այլ սպառնալիքներ:
Սա բույսերի նմանատիպ օգտագործման առաջին փորձը չէ: Սակայն նախորդ փորձերի ժամանակ օգտագործվել են ռեսուրսներ, որոնք անհրաժեշտ են բույսերին: Դա զգալիորեն նվազեցրել է բույսերի դիմացկունությունը: APT ծրագրի վրա աշխատող գիտնականները և հետազոտողները ցանկանում են ստեղծել բույս, որը կկարողանա հանդես գալ որպես տվիչ: Սակայն այն չպետք է ազդի նրանց կողմից ստեղծված բույսերի առողջության կամ կյանքի տևողության վրա:
