Disney Research ստորաբաժանումը մշակել է «կախարդական նստարան», որը ստացել է Magic Bench անվանումը: Յուրաքանչյուր մարդ, նստելով այդ նստարանին, կհայտնվի անիմացիոն փղիկի կողքին: Ընկերությունը համախմբում է վիրտուալ իրականության հայեցակարգերը արտասովոր ինտերակտիվ փորձի մեջ:
Magic Bench-ն աշխատում է առանց որևէ AR գլխարկների կամ այլ սարքավորումների օգնությամբ: Մեկ (կամ մի քանի) մարդ կարող է նստել նստարանին և նայել մեծ էկրանին, որտեղ պատկերված է այդտեղ գտնվողների հայելային պատկերը: Այնուհետև հայտնվում է անիմացիոն փղիկը, նապաստակը կամ մուլտֆիլմի մեկ այլ հերոս, որոնց հետ հնարավոր է հաղորդակցվել:
Խորության տվիչը և տեսախցիկն օգնում են համակարգին գտնել մի քանի մարդկանց տարածության մեջ և տեղակայել մուլտիպլիկացիոն հերոսներին 3D-բեմի ցանկացած վայրում: Համակարգն ավելին է, քան պարզապես մի «նստարան», այն մի ամբողջ սենյակ է, որը ստեղծվել է վիրտուալ իրականության դեպի նոր մակարդակ անցում կատարելու համար:
Օգտագործելով խորության տվիչները և Microsoft Kinect-ի գույները, թիմը կարողացել է ստեղծել սենյակի բեմի եռաչափ կառույց, որը հնարավորություն է տալիս իրական մարդկանց և վիրտուալ հերոսներին հաղորդակցվել միմյանց հետ իրական ժամանակի ռեժիմում:
Նստարանին գտնվող մարդիկ կարող են հետևել իրենց սեփական փոխազդեցություններին և էֆեկտներին վիրտուալ հերոսների հետ` նստարանի դիմաց տեղակայված էկրանի շնորհիվ:
Նստարանի տակ գտնվում են շոշափողական հաղորդակներ, որոնք համապատասխանում են վիրտուալ հերոսի շարժումներին, ինչը ստեղծում է տպավորություն, որ իրական մարդը նստած է ֆիզիկական էակի կողքին:
Այս նույն շոշափողական էֆեկտն օգտագործվում է անձրևի զգացողության ստեղծման համար: Նստարանի ստորին հատվածում գտնվում են նաև բարձրախոսներ, որոնք ուսումնասիրում են տվյալ էֆեկտին բնորոշ ձայները` այն ավելի իրական դարձնելու համար:
Մուլտհերոսները ևս կարող են հաղորդել թվային օբյեկտներ և արձագանքել այն ժամանակ, երբ նրանց «դիպչում են»:
Հետազոտական թիմը կներկայացնի նորույթի ցուցադրությունը Լոս-Անջելեսում անցկացվող SIGGRAPH 2017 տեխնոլոգիական կոնֆերանսի ժամանակ, որը տեղի կունենա այս տարվա վերջ:
