Mixed Reality Academy-ն նաև կսովորեցնի մարդկանց ստեղծել բովանդակություն:
Վերջին շրջանում Microsoft ընկերությունը հատուկ հետաքրքրություն է ցուցաբերել խառը իրականության նկատմամբ: Այս ամսվա սկզբին ընկերությունը ներկայացրել է այս ֆունկցիայով ականջակալներ և անցկացրել է մի ամբողջ միջոցառում` նվիրված այս հայեցակարգին: Այժմ ընկերությունը բացում է խառը իրականության ստուդիա:
Ստուդիան տեղակայված է Սան Ֆրանցիսկոյում, որտեղ գտնվում են Mixed Reality Capture և Mixed Reality Academy ստուդիաները: Այն ստացել է Microsoft Reactor անվանումը: Հենց այստեղ կրեատիվ գործակալությունները և հավելվածների մշակողները կկարողանան ստեղծել խառը իրականության բովանդակության հսկայական սպեկտր` հիմնվելով յոթ տարիների ընթացքում ստացված արդյունքների վրա:
Երաժիշտները, մարզիկները, դերասանները և նույնիսկ կենդանիները օգնել են Microsoft-ին ձևաչափի մշակման հարցում, ստեղծելով բովանդակություն, որը կարելի է օգտագործել խառը իրականության ստեղծման համար, սկսած ամբողջական ընկղման էֆեկտով VR` մինչև սովորական 2D էկրաններ: Mixed Reality Academy-ն կառաջարկի դասընթացների և սեմինարների մի շարք, թեև այն կկենտրոնանա հիմնականում նրանց վրա, ովքեր արդեն ներգրավված են ստեղծագործական արդյունաբերությունում:
