Nissan-ի նորագույն էլեկտրական մեքենայի վերջին կոնցեպտն ուղղված է գրավչությանը, ունի նորաձև և ագրեսիվ դիզայն:
Այն, անշուշտ, գրավիչ մեքենա է ապակե վերնամասով և նեղ լուսարձակներով, իսկ ինտերիերը փայտյա զարդարանքով, որը բաց ներքին տարածք է հիշեցնում:
Nissan IMx-ն ունի մի շարք խելացի ֆունկցիաներ, այդ թվում Nissan ProPILOT ինքնակառավարման համակարգի օգտագործման հնարավորություն, որն իր վրա է վերցնում մեքենան վարելու պարտականությունը: Այն ներառում է որոշ ֆունկցիաներ, օրինակ ղեկը կարելի է թաքցնել գործիքների վահանակից, իսկ արագության և արգելակման ոտնակները հատակում` ապահովելով ավելի շատ տարածք վարորդի համար:
Մեքենան հագեցած է նաև ընդարձակ էկրանով, որն ինֆորմացիա է հաղորդում վարորդին և ուղևորներին: Էկրանը տրամադրում է այնպիսի ինֆորմացիա, ինչպիսին են օրինակ նավիգացիոն տվյալները, ինչպես նաև առաջարկներ այն մասին, թե ինչպես կարելի է օգտագործել այդ ինֆորմացիան նախորդ ուղևորությունների տվյալների հիման վրա:
Մեքենայի ինտերֆեյսն օգտագործում է տեսախցիկներ, որոնք տեղակայված են տրանսպորտային միջոցի ողջ տարածքով և արհեստական ինտելեկտ` օգտատերերի հրամանների մեկնաբանման և նրանց պահանջների կանխատեսման համար` մեխանիկական կառավարումը և այլ ուշադրությունը շեղող գործոնները նվազագույնի հասցնելու համար:
Ընկերությունը հայտարարում է, որ չնայած սա ընդամենը գաղափար է, սակայն այն նպատակաուղղված է «ինտելեկտուալ շարժունակությանը» և դրա արտադրողականությանը:
