Գերմանական ստարտափը հանդես է եկել իր նոր օրիգինալ դիզայն ունեցող էլեկտրոնային ժամացույցներով:
Ինչպես հուշում է անվանումը` Papr Watch (թղթե ժամացույց), նորույթն ունի թղթի տեսք, սակայն իրականում այն շատ դիմացկուն է և ջրակայուն:
Ժամացույցները պատրաստված են Tyvek-ից` ամուր օլեֆինային նյութից, որը շատ ավելի դիմացկուն է, քան թուղթը:
Չափազանց կարևոր է այն փաստը, որ Tyvek-ը ջրակայուն է, ինչի արդյունքում Papr Watch-ը չի թրջվի անձրևի ժամանակ:
Թվային ժամացույցը տեղադրված է նյութի տակ անհրաժեշտ վայրում, ժամը հստակ երևում է, իսկ գոտու ճարմանդը պինդ փակվում է մագնիսների օգնությամբ: Եվ կարիք չկա լիցքավորել ժամացույցն ամեն օր, Papr Watch-ն օգտագործում է մարտկոց, որն աշխատում է ավելի քան երկու տարի մինչ այն փոխելու անհրաժեշտություն կառաջանա:
Ժամացույցները հասանելի են ավելի քան 29 դիզայններով` ռետրո, երկրաչափական, սև և սպիտակ, ծովային ոճով, ինչպես նաև տարբեր կենդանիների պատկերներով:
Papr Watch-ը նոր է հայտնվել Indiegogo կայքում և արդեն ունի ավելի քան 300 կողմնակից: Ժամացույցի նախնական արժեքը 28 եվրո է:
Paprcuts ընկերությունը, որը գտնվում է Բեռլինում և նույն նյութով այլ աքսեսուարների պատրաստման հինգ տարվա փորձ ունի, ծրագրում է սկսել ունիկալ ժամացույցների վաճառքն ամբողջ աշխարհում օգոստոսին:
