PowerRay-ը PowerVision ընկերության կողմից մշակված և CES 2017 տեխնոլոգիաների ցուցահանդեսի ժամանակ հանրությանը ներկայացված անօդաչու սարք է: Սարքն ընդունակ է սուզվել մինչև 30մ խորություն, հագեցած է 4K տեսախցիկով և հասանելի կլինի երկու գույներով: Գաղափարը կայանում է նրանում, որ վիդեոնկարահանման հնարավորությունները, որոնք արդեն առկա են երկնքում և գետնի վրա, տեղափոխվեն ջրի տակ` դրանց ավելացնելով հարմարավետ ֆունկցիոնալ:
PowerRay սարքի բազային փաթեթն ունի 50-մետրանոց մալուխ, որը սարքը կապում է ջրի վերևում գտնվող բազային կայանին: Մալուխը հոսանք է փոխանցում և վիդեոազդանշան բազային կայանին:
PowerRay մոդելը հագեցած է տեսախցիկով, որի սենսորն ապահովում է 4K ձևաչափով տեսագրություն և մի շարք տվիչներով, որոնք թույլ են տալիս տեղեկություններ ստանալ ջրի հատակի առանձնահատկությունների, ինչպես նաև ջրի ջերմաստիճանի մասին: Ողջ ինֆորմացիան սարքն այնուհետև անլար եղանակով փոխանցում է բջջային սարքավորմանը` ներկառուցված Wi-Fi մոդուլի շնորհիվ:
PowerRay սարքը, որը հանդես է գալիս որպես տեխնոլոգիական գործիք արդյունավետ ձկնորսության իրականացման համար, ներառում է նաև լուսային գործիքներ` ձկների ուշադրությունը գրավելու համար, և հեռավար կառավարվող մոդուլ` անհրաժեշտ վայրերում թակարդների տեղադրման համար:
Սարքի արժեքը դեռ հայտնի չէ, այն կառավարվելու է բջջային հավելվածի միջոցով:
