Alphabet ընկերությանը պատկանող Sidewalk Labs ընկերության հաջորդ քայլը 8 ք. կմ տրամագծով Quayside խելացի տարածքի ստեղծումն է Տորոնտոյի կենտրոնում: Google Canada-ն իր գլխավոր գրասենյակը կտեղափոխի նոր տարածաշրջան արևելյան ափի երկայնքով և կներդնի 50 միլիոն դոլար նախագծի պլանավորման և փորձարկման առաջին փուլի համար: Նախագիծն ամբողջությամբ կարժենա 1 միլիարդ դոլար, հաղորդում է Wall Street ամսագիրը: Եվս 1,25 միլիարդ դոլար կավելացնեն Տորոնտոյի իշխանությունները: Վարչապետ Ջաստին Թրուդոն ասել է, որ նախագծի նպատակն է ստեղծել «ավելի խելացի, ավելի կանաչապատ և ընդգրկուն» քաղաքներ, որոնք, ինչպես նա է կարծում, մեծ տարածում կգտնեն ամբողջ աշխարհում:
Ծրագրի նպատակն է թարմացնել տրանսպորտային համակարգը և ենթակառուցվածքը, ստեղծել մատչելի բնակավայրեր և հաստատել «տվյալների պաշտպանության և գաղտնիության հետ կապված կառավարման հստակ քաղաքականություն»: Նոր տարածքում կլինեն ինքնավար անցումային գծեր և էկոլոգիապես մաքուր էներգետիկ համակարգեր:
Նոյեմբերի 1-ից կանցկացվեն մի շարք պաշտոնական հանդիպումներ` համոզվելու համար, որ Տորոնտոյի բնակիչները դեմ չեն նոր նախագծին:
