Վերականգնողական վիրաբուժության մեթոդները զգալիորեն բարելավվել են վերջին տասնամյակում, սակայն կա մի նպատակ, որը շարունակում է մնալ անկատար` մարդկային մաշկի փաստացի վերականգնումը: Սակայն այժմ գիտնականները կարող են մեկ քայլ ավելի առաջ գնալ` Սոլթ Լեյք Սիթիում գտնվող Polarity TE, Inc. բիոտեխնոլոգիական ընկերությունը հայտարարել է, որ նրանց հաջողվել է գրեթե ամբողջությամբ վերականգնել խոզերի մաշկը և երրորդ աստիճանի վերքերի մազային ֆոլիկուլները:
Որքանով հայտնի է, սա առաջին անգամն է, երբ ինչ-որ մեկին հաջողվում է ամբողջությամբ վերականգնել մաշկը երրորդ աստիճանի այրվածքներից հետո: PolarityTE-ի տվյալների համաձայն` SkinTE տեխնոլոգիան աշխատում է, վերցնելով հիվանդի չվնասված մաշկի բիոպսիան, թեև ամբողջովին պարզ չէ, թե ինչպես է առողջ մաշկը կրկին ներդրվում վերքի մեջ: Նրանց կայքում տեղադրված լուսանկարները ցույց են տալիս վերականգնման զարգացումը` ծածկելով ողջ վերքն առանց սպիների և մաշկի բոլոր շերտերի վերաճի`այդ թվում և մազային ֆոլիկուլների:
Այժմ այս տեխնիկան աշխատում է միայն խոզերի վրա, սակայն դա չի նշանակում, որ այն չի կարող կիրառվել մարդկանց դեպքում: Իրականում խոզի մաշկը շատ նման է մարդկային մաշկին և խոզի մաշկի այրվածքների բնութագրերից կարելի է կանխատեսել, թե ինչպես կարձագանքի մարդու մաշկը:
Եթե այս գործընթացը հաջողությամբ իրականացվի մարդկանց դեպքում, ապա դա մեծ առաջընթաց կլինի: Պետք է նշել, որ դա կարող է փոխել այրվածքների զոհ դարձած մարդկանց կյանքը: Բարեբախտաբար, երկար սպասել պետք չէ` PolarityTE-ն մտադիր է անցնել փորձարկումներին մարդկանց վրա այս տարի:
