Մեքենայի փոխարեն հեծանիվ վարելը կարող է լինել էկոլոգիապես մաքուր տրանսպորտի միջոց, սակայն արդյո՞ք հեծանիվները կարող են պայքարել օդի աղտոտման դեմ: Հոլանդացի դիզայներ Դաան Ռուսեգաարդը պնդում է, որ պատասխանն է` այո:
«Ներկայումս Smog Free Tower-ի նման Smog-Free Bicycle-ը գտնվում է մշակման փուլում, այն ներքաշում է աղտոտված օդը և իր շուրջն արձակում մաքուր օդ», – ասել է Դաան Ռուսեգաարդը:
Smog Free Tower-ը, որի մասին խոսում է Ռուսեգաարդը մեծ կառույց է, որն ըստ էության գործում է որպես հսկայական օդը մաքրող սարք: Էյնդհովենի տեխնոլոգիական համալսարանի կողմից իրականացված հետազոտությունը ցույց է տվել, որ Smog Free Tower-ի կողմից օգտագործվող տեխնոլոգիան հեռացնում է կլանվող PM10-ի 70%-ը և PM2.5-ի 50%-ը:
Այժմ նույն գաղափարը կիրառվում է նաև հեծանիվների դեպքում, որն արտազատում է դրական լիցքավորված իոններ, որոնք այնուհետև ներքաշում են օդն աղտոտող նյութերը: «Հեծանիվն իդեալական մոդել է, այն կատարում է կրկնակի ֆունկցիա, քանի որ մաքրում է օդը և նվազեցնում ճանապարհների խցանումները, ինչպես նաև հանդիսանում է էներգախնայող»,- ասել է Ռուսեգաարդը:
The Smog Free Bicycle-ը, ինչպես նաև Smog Free Tower-ը և Smog Free Jewellery-ն հանդիսանում են շատ ավելի մեծ Smog Free կոչվող նախագծի մասը:
Ներկայումս, Ռուսեգաարդն ասել է, որ թիմն աշխատում է նախատիպի վրա, որը կկատարելագործվի չինացի և հոլանդացի գործընկերների հետ համատեղ:
