Կրելի ֆիտնես-մոնիտորները չափազանց օգտակար են, սակայն հետազոտությունները ցույց են տալիս, որ դրանց գրեթե մեկ երրորդը նետվում են աղբամաններ, քանի որ դրանք բարդ են օգտագործման մեջ, պահանջում են մշտական սպասարկում կամ օգտատերերը պարզապես մոռանում են դրանք կրել: Առողջական վիճակի մոնիտորինգով զբաղվող Spire ընկերությունը կարծում է, որ գտել է այդ բոլոր խնդիրների լուծումը Spire Health Tag-ի` աշխարհի ամենափոքր ֆիտնես-տրեկերի շնորհիվ, որը չի պահանջում լիցքավորում, և այն կարելի է ընդհանրապես չհեռացնել:
Health Tag-ը վաճառվում է տարբեր տուփերով, որոնք ներառում են համապատասխանաբար երեք, ութ կամ տասնհինգ հատ: Սարքը հեշտությամբ ամրանում է հագուստին, այն անջրանցիկ է, իսկ մարտկոցը կարող է ծառայել ավելի քան երկու տարի: Այս ամենի համար օգտատերը պարզապես պետք է այն ամրացնի իր հագուստին:
Ֆիտնես-տրեկերը վերահսկում է քնի և ամենօրյա գործունեության անհատականացված վերահսկման բոլոր ստանդարտ ցուցանիշները: Օրինակ, այրված կալորիաները կամ նույնիսկ այն, թե որքան արագ կքնի օգտատերը մարզումներից հետո: Այն նաև վերահսկում է սթրեսի մակարդակը տվիչների միջոցով, որոնք հետևում են շնչառության պարբերականությանը:
Տրեկերներն ամբողջովին անտեսանելի են, ուստի ոչ ոք չի նկատի, որ օգտատերն այն կրում է: Այն շատ հարմար է այն մարդկանց համար, ովքեր չեն ցանկանում բոլորին ցույց տալ այն, որ զբաղվում են իրենց առողջությամբ: Ընկերությունը ծրագրում է սկսել նորույթի վաճառքը դեկտեմբերին: Գինը տատանվում է 99 դոլարից (երեք տուփի համար) մինչև 299 դոլար (15 հատի համար):
