WhatsApp-ը ներմուծում է Status-ի նոր հնարավորություն բոլոր օգտատերերի համար: Տեքստի փոխարեն, որը միակ Status-ն է, որ հնարավորություն է տալիս մարդկանց տեղեկանալ, թե արդյոք զբաղված եք կամ հասանելի զրույցի համար, Status-ի նոր հնարավորությունը կիրառում է լուսանկարներ, տեքստ, սմայլիկներ և էսքիզներ Ձեր գործունեությունը ցույց տալու նպատակով: Հնարավոր է՝ սա Ձեզ ծանոթ թվա , քանի որ, ըստ երևույթին, այն վերցվել է Snapchat-ից:
Ի տարբերություն Snapchat-ի ու Instagram-ի՝ WhatsApp-ը կարող է պաշտպանել ձեր գրառումների թարմացումներն անխափան կոդավորման միջոցով:
Ահա թե ինչ է Ձեզ անհրաժեշտ իմանալ նոր հնարավորության մասին:
Ե՞րբ կարող եմ ձեռք բերել Status-ի նոր հնարավորությունը
Երբ Ձեր հաշվով մուտք գործեք Status , ստիպված չեք լինի ներբեռնել կամ գրանցել ծրագրի թարմացումները App Store- ից, կամ Play Store – ից . այն պարզապես կհայտնվի:
Դուք կտեսնեք սա, եթե մուտք գործեք Status iOS –ով, որի ժամանակ Կոնտակտների նշանը փոխարինվում է տեսախցիկի պիտակով (տե՛ս, վերևի լուսանկարում), և ձախ ծայրամասային նշանում գրված է Status: Android-ից օգտվողները կտեսնեն նոր տեսախցիկի պիտակը Chat—ի նկարից դեպի ձախ, Status –ի նոր նշանի կողքին:
Ո՞վ կարող է տեսնել իմ Status-ը:
WhatsApp –ը պարունակում է գաղտնիության կարգավորումներ( privacy settings)` հնարավորություն տալով Ձեզ լիակատար վերահսկել ,թե ով է տեսնում Ձեր ստատուսը: Միայն Ձեր կոնտակտները կարող են աննկատ դիտել Ձեր ստատուսը, սակայն privacy settings –ը Ձեզ թույլ է տալիս փոխել դա:
iPhone- ի վրա ընտրված Status-ի նշանով սեղմեք Privacy նշան-ի վրա, Անդրոիդի օգտատերերի համար՝ սեղմեք menu button > Status Privacy
Ձեզ կառաջարկվեն երեք տարբերակներ:
- Իմ Կոնտակտները – WhatsApp –ի Ձեր բոլոր կոնտակտները կարող են տեսնել Ձեր ստատուսը
- Իմ Կոնտակտները, բացի … – ընտրեք այն մարդկանց, ում չեք ցանկանա տեսանելի լինի Ձեր ստատուսը: Այսկերպ, Ձեր ստատուսը շարունակում է հասանելի լինել Ձեր Կոնտակտային ցուցակի մնացած անձանց համար
- Կիսվել միայն…… – ընտրել միայն այն կոնտակտները, ում համար ցանկանում եք տեսանելի լինի Ձեր ստատուսը
Եթե դուք փոխեք Ձեր գաղտնիության կարգավորումները Status-ը վերբեռնելուց հետո, հիշե՛ք, որ նոր կարգավորումները կազդեն միայն հետագա թարմացումների վրա:
Ձեր ընկերների ստատուսները տեսնելը չափազանց նման է Snapchat-ին
Եթե Դուք արդեն օգտագործում եք Snapchat Stories կամ Instagram Stories, ապա Status-ի դեպքում կզգաք Ձեզ “ինչպես Ձեր տանը”: Ահա հիմնական կետերը:
- Ձեր ընկերոջ կողմից ներբեռնված Status-ը դիտելու համար բացեք Status -ի պիտակը: Ընկերների ցանկը, ովքեր արդեն կիսվել են ստատուսով, կհամալրվի:
- Դիպչեք էկրանին Status-ը “կանգնեցնելու” համար , որը Ձեզ կընձեռի ավելի շատ ժամանակ այն դիտելու համար, սեղմեք Status-ի վրա այն բաց թողնելու և առաջ անցնելու համար , կամ սահեցրեք դեպի ձախ հաջորդ անձին անցնելու համար
- Սահեցրեք դեպի վերև Status- ի վրա, որպեսզի պատասխանեք այն Status-ին, որն այժմ դիտում եք:
…Եվ այսպես թարմացվում է Ձեր Status-ը
WhatsApp Status-ը ներառում է Snapchat -ի և Instagram Stories – ին բնորոշ բոլոր հատկանիշները՝ ստիկերներ, տեքստերի նկարագրություն, նկարներ և այլն: Ահա թե ինչպես եք թարմացնում Ձեր Status-ը:
- Որպեսզի ավելացնեք լուսանկար կամ տեսանյութ Ձեր WhatsApp Status-ին ,անհրաժեշտ է բացել ծրագիրը և թակել տեսախցիկի նշանի վրա: Նկարե՛ք լուսանկար կամ տեսանյութ, կամ ընտրեք որևէ մեկը Ձեր տեսախցիկի շարքից
- Դուք կարող եք նկարել, գրել և սմայլիկներ տեղադրել լուսանկարի վրա:Կա նաև վերնագիր ավելացնելու հնարավորություն, որը կցուցադրվի նկարի կամ տեսանյութի ներքևի հատվածում, երբ Ձեր ընկերները դիտեն այն
- Վերջապես, թակեք թղթե ինքնաթիռի նշանի վրա: Դուք կարող եք զրույցի ընթացքում ուղղակիորեն ուղարկել Ձեր Status –ն ընկերոջը՝ որպես լուսանկար կամ տեսանյութ, կամ կարող եք թակել My Status-ի վրա ցանկի վերին մասում և թարմացնել Ձեր Status-ը:
Տեսանյութերը կարող են 10 վայրկյանից ավելի երկար տևել
Ձեր վիդեո ստատուսների թարմացումներն ընդամենը 10 վայրկյանով սահմանափակելու փոխարեն (ինչպես Snapchat-ի դեպքում), այժմ տեսանյութերը, որոնք Դուք ձայնագրում եք և կիսվում որպես ստատուս, կարող են տևել մինչև 45 վայրկյան:
Նաև կարող եք վերբեռնել GIF-եր!
2017թ-ին, անիմացիոն պատկերների, կամ gif-երի գործածումը ծրագրերում ուղղակի հրամայական է: Այսպիսով, WhatsApp Status-ը կընդունի GIF-երը, որոնք դուք պահպանել եք Ձեր տեսախցիկի կամ լուսանկարների շարքում: Ընտրեք GIF-ը, անհրաժեշտության դեպքում ներքևից կտրեք, և կիսվեք ճիշտ նույն կերպ, ինչպես հերթական, ձանձրալի նկարի կամ տեսանյութի դեպքում:
Ձեր Status –ն ակտիվ կմնա 24 ժամ, որից հետո այն կանհետանա:
Ցավոք, գոյություն չունի որևէ տարբերակ Status-ը Ձեր հեռախոսում պահպանելու համար: Այն, ինչ դուք անում եք ու ստեղծում WhatsApp-ում, մնում է միայն WhatsApp –ի շրջանակներում:
Պարզեք, թե ովքեր են դիտում Ձեր ստատուսները
Ձեր էկրանի ներքևի հատվածում տեղադրված է դիտումների հաշվիչ, որը ցույց է տալիս, թե քանի մարդ է տեսել կամ դիտել Ձեր ստատուսը: Դուք կարող եք սահեցնել վերև էկրանի վրա՝ տեսնելու կոնտակտային անձանց անունների ցանկը, ովքեր դիտել են Ձեր ստատուսը:
Դուք կարող եք զերծ մնալ screenshot-երից
Ի տարբերություն Snapchat-ի, WhatsApp-ը չի զգուշացնելու Ձեզ, երբ կոնտակտներից մեկը նկարի Ձեր ստատուսը: Այլ կերպ ասած,մտորե՛ք, թե ինչ ստատուսով եք կիսվում, քանզի այն փաստը, որ Ձեր ստատուսն անհետանում է 24 ժամվա ընթացքում, դեռ չի նշանակում, որ ոչ ոք չի պահպանել դրա կրկնօրինակը: