Ես չեմ կարծում, որ կան շատ վեբ հավելվածներ, որոնք նույնչափ լայնորեն կիրառություն ունեն, ինչպես WordPress-ը: Այն ինտերնետի մի հսկա փաթեթի է ծառայում , սկսած բլոգներից ու նոր կայքերից մինչև էլեկտրոնային առևտրի կայքեր: Եվ միթե՞ ավելի լավ չէր լինի, եթե փոքր ինչ ավելի արագ աշխատեր:
Մտեք PeachPie: Չեխական այս start-up –ը մշակել է մի հարթակ, որը հնարավորություն է տալիս PHP կոդը աշխատեցնել .NET Framework-ի վրա: Եվ, այո՛, այն աշխատեցնում է WordPress-ը՝ թեև որոշ աննշան փոփոխություններով:
Ըստ ընկերության` սա ունի մի քանի առավելություններ, այդ թվում՝ performance boost-ը: Կա նաև հնարավորություն WordPress –ը ներկայացնել որպես համապարփակ երկկողմ հարթակ, որի դեպքում աղբյուր հանդիսացող ֆայլերի մեծ մասը փաթեթից դուրս է գործում:
Չնայած ես ինքս չեմ փորձարկել այն, սակայն WordPress-ի այս հնարավորությունը .Net –ի վրա գործածելը կարծես թե բավականին պարզ ծրագիր է, որը կարող է իրականացվել մոտ 30 րոպեյում, եթե հետևեք հրահանգներին:
PeachPie -ի արմատները գալիս են 2005-ից, երբ այն հայտնի էր որպես Phalanger և Պրահայի Չարլզ համալսարանի մաթեմատիկայի և ֆիզիկայի ֆակուլտետի մի նախագիծ էր: Ի վերջո, Phalanger-ը հասավ այն մակարդակին, որ կարող էր կառավարել այնպիսի ամբողջական հարթակներ, ինչպիսիք են Jadu –ն և WordPress-ը:
PeachPie-ը Phalanger նախագծի վերբեռնված տարբերակն է: Չնայած դեռ սկիզբն է, բայց կան հուսադրող նշաններ, որ, ի վերջո մենք կկարողանանք կիրառել PHP-ի վրա հիմնված հավելվածները .NET Framework-ում աննկարագրելի արագ ձևով՝ ֆունկցիոնալ տեսանկյունից առանց որևէ փոխզիջման գնալու:
Ի վերջո, դա վկայում է մեծ վերածննդի մասին,որին մենք ականատես եղանք .Net –ի աշխարհում: Լեզվի ընկալումը ձանձրալի ու տաժանակիր լինելուց զարգացել ու վերածվել է նրան, որ մարդիկ իրականում ուզում են օգտագործել այն: Այս ամենի մեջ իր բաժինն ունի framework-ը այլ հարթակներ տեղափոխելու Microsoft- ի պատրաստակամությունը, ինչպես նաև ծրագրային զարգացման գործիքների թողարկումը MacOS-ի և Linux-ի համար:
Եթե ուզում եք փորձարկել WordPress -ը .Net –ի վրա, կարող եք կարդալ այս հոդվածը: Ծրագրավորողներն, այնուամենայնիվ, ընդգծում են, որ, չնայած սա մի հրաշալի գործիք է, սակայն այնքան էլ լավ միտք չէ այն օգտագործել արտադրողական միջավայրում:
