Zebra-Med տեխնոլոգիան օգնում է ռենտգենաբաններին հայտնաբերել սրտային, ոսկրային և այլ հիվանդություններ:
Zebra Medical Vision (Zebra-Med) ընկերությունը ներկայացրել է Zebra AI1 նոր ծառայությունը, որն օգտագործում է ալգորիթմներ բժշկական նկարների ստուգման համար ընդամենը մեկ դոլար արժողությամբ: Խորը ուսումնասիրության սարքը կարող է վերլուծել համակարգչային տոմոգրաֆիայի և մագնիսառեզոնանսային տոմոգրաֆիայի և այլ նկարների արդյունքները: Այն կարող է ավտոմատ կերպով հայտնաբերել թոքերի, լյարդի, սրտի և ոսկորների հիվանդությունները: Այնուհետև արդյունքները փոխանցվում են բժիշկներին ախտորոշման համար:
«Մենք ունենք համակարգ, որն ավտոմատ կերպով ուսումնասիրում և վերլուծում է ներկայացված նկարների տվյալները»,- ասել է ընկերության գլխավոր տնօրեն և համահիմնադիր Էլադ Բենջամինը: «Եվ AI1-ը տրամադրում է ծառայությունների ամբողջական փաթեթ ընդամենը մեկ դոլարով»:
Ներկայումս համակարգը կարող է հայտնաբերել 11 տարատեսակ հիվանդություններ, իսկ 2017 թվականի վերջ արդեն կկարողանա հայտնաբերել ևս վեց հիվանդություն: Ընկերությունն ունի 35 ախտորոշիչ համակարգ, որոնք նախատեսում է թողարկել տարվա ընթացքում: Հիվանդության տեսակ, որը կարող է հայտնաբերել համակարգը, հանդիսանում է կալցիումի կուտակումը պսակաձև (կորոնար) զարկերակներում: «Դա կարող է մեծապես բարելավել այդ հիվանդների խնամքը»,-ավելացրել է Բենջամինը:
Zebra-Med-ը մշակել է իր խորը ուսուցման համակարգերը`ուսումնասիրելով միլիոնավոր բարձրորակ պատկերներ: Al1-ը նաև ինտեգրված է ռադիոլոգիական տեղեկատվական համակարգերում (RIS) և պատկերների փոխանակման համակարգերում (PACS), որոնք կիրառվում են ԱՄՆ-ի, Մեծ Բրիտանիայի և այլ երկրների բժշկական հաստատություններում:
Բենջամինը նշում է, որ արհեստական ինտելեկտը հատկապես օգտակար է դարձել տեսողական վերլուծության ժամանակ, քանի որ այն օգտագործվում է սմարթֆոնների հավելվածների դեմքի և առարկաների հայտնաբերման համակարգերի մեծ մասում: Այս ամենն այն հատկապես հարմար է դարձնում մագնիսառեզոնանսային, համակարգչային տոմոգրաֆիայի և ռենտգեն հետազոտության համար: Ավելի արդյունավետ դառնալու համար` AI1-ը վերլուծել է բազմաթիվ բժշկական պատկերներ: «Մենք համագործակցել ենք բազմաթիվ հիվանդանոցների հետ, որոնք մեզ հնարավորություն են տվել ստանալ այդ միլիոնավոր տվյալները»,-բացատրել է նա:
Zebra-med-ը միակ ընկերությունը չէ, որն աշխատում է այս համակարգի վրա: IBM-ն ևս ներկայացրել է Watson արհեստական ինտելեկտը, որը կարող է վերլուծել տարատեսակ նկարներ, ինչպես նաև օգտագործում է տեխնոլոգիա` որոշելու համար, թե ովքեր են հակված ձեռք բերել որոշակի հիվանդություններ: Հավելվածները նաև օգտագործվում են ենթաստամոքսային գեղձի քաղցկեղի հայտնաբերման համար` հիվանդի աչքերն ուսումնասիրելու միջոցով, իսկ մյուսները կարող են հայտնաբերել Ալցհեյմեր հիվանդության վաղ ախտանշանները` ուղեղի ՄՌՏ սկանավորման միջոցով:
